المقادير
250غ زبدة
250غ سكر
نصف كيس فرفارة أي خميرة كيميائية
2 بيض
2 ملاعق كبار ماء بارد
500 غ فرينة ( او أكثر يعني حتى تلتم العجينة)
قبصة ملح
للتزيين
200غ شكلاط مذاب
250غ جوز
طريقة التحضير
تخدم الزبدة + السكر جيدا حتى اللي تتحصلي على كريم تقريبا
نضرب من جيهة اخرى البيضتان + ملاعق الماء مليح ونضيفهم للكريم السابق
نصبو الفرينة+ الخميرة+ الملح شيئا فشيئا على الخليط حتى نتحصلو على عجينة ملساء.
نلفو العجينة في قطعة قماش وندخلوها الثلاجة لمدة 15 دقيقة.
نقطعو العجينة في شكل دوائر وندخلوهم للفرن المسخن على درجة 200 ولمدة من 10 الى 15 دقيقة.
ندوبو الشكلاط في حمام ماري bain marie وندهنو بيه وجه الحلوى ونزينز بالجوز او قرقاع كيما نعيطولو بالعامية تاعنا.
وكل حسب رغبته في التزيين.
نشاء الله تعجبكم الوصفة
انا اليوم جربتها بسيطة و سهلة وزيد القاطو بنين.
سمحولي الشكل ماخرجليش بزاف شباب لانها اول مرة نجربو لكن على العموم مقبول هههه.
غدا نشاء الله نحطلكم وصفة اخرى خديتها تاني من كتاب شميشة للحلويات
