واحة خيالية في وسط الصحراء
فيولاية مارانهاو قريب الساحل الشمال شرقي من البرازيل في وسط الصحرا واحة
عجيبة أشبه بالخيال يسمونها The Lençóis Maranhenses National Park.
مرت عليها فترات طويلة محد يدري عنها بس هالأيام يعتبرونها من أكثر المناطق السياحية الطبيعية شهرة في البرازيل.
المنطقة بشكل عام منخفضة ومسطحة تغطيها تلال رملية بيضا وضخمة تجمعت خلال
آلاف السنين في هالأرض. المنطقة كلها توصل مساحتها ألف كيلو متر مربع
وتحوشها أمطار موسمية خلال النصف الأول من السنة.
الأمطار لما تنزل تتخلل الرمل وتتجمع بين التلال الرملية وتكون صاافيه حيل
سبحان الله شي عجيب شلون تقدر تشوف تحت الماي. يقولون أحسن وقت تزور الواحة
يكون بين شهر مايو وسبتمبر حزّتها تكون الواحة مليانة من الأمطار ومنظرها
يكون أحسن ما يكون مع انه يصير خلال فترة الصيف.
الغريب بالموضوع هو وجود أنواع مختلفة من السمك في هالمياه ولما يخلص موسم
الأمطار وتنشف الواحة تختفي الأسماك طبعاً بس ترجع مرة ثانية مع الموسم
اللي وراه. شلون؟ الطيور تشيل بيض السمك من البحر وتوصله لهالمياه وتتكاثر
سبحاااااان الله!
