جدار صمتك


وقفت علي جدار صمتك لقيتك لسه في الخاطر


تسطري في خيال ذكراك وتتسكع وتتمايل علي القنوات


وتشرب من شتل مفطوم


لا قادر يكيل الزين ولا قادر يعرف الميل


ولسه ماشي يسكع


بيضحك من زمن قدار يبيع اطفالو للمارين


ويقبض بي جناحو السيل


لا مطرو بيجيب الخير ولا وطنو بيعرف الويل


ويبكي علي الزمان الفات بعد ما راح وطفح الكيل


وما عارف يقبل وين


بقيت مهموم بي همك بسطر في رقاد الليل


حروف مكتوبا بي دمك بتروي سطورا للعطشان


ويمطر غيما بي رسمك ولسه ما عرفتا اسمك


وقفت علي شواطئ النيل اتخبر هواي نسمك


وشفت علي الشواطئ كلام


بنات مكوية مروية بتمرق من سواد الليل


لكن لونا ما اسود ولا ابيض ولا عارف اذا لونا


كان في الظلمة او ما كان


سرحت كتبت في الشارع ولا عارف شن بكتب


لقيت حرفك عرفت اسمك عرفتك حسب ظني


لكني للاسف حزنان لكن ليه ما عارف


عشان ما بتعرف انت اسمي ما عارف


عشـان تضِحك بنــات حورك ما عارف


عشـــان شفتيهــــا مبتسمـــــي ما عارف


ما عارف سراب الروح بتمرق منو الحاني


هــــاك الـواني بي طيفا بقولا معاك يا جاني


وعفوا لو كسرت هواك عشان يرجع شروق شمسك


لكن لــــو عــرفت هــــــواي يمكن تـاني اخط اسمك


وليك اكتب حــروف الــريد عبيرا يكون فواح نسمك