الصدر ضـــايق والشعر صار مضمون
................................ ابرسل احزاني مدامه وسيله

الناس ماهم عن خفى الحال يدرون
............................... والحظ لامن مال ياشين ميله

بالهون ياوقتي على القلب بالهون
.............................. عطني مجال ارتاح لو بس ليله

وش حيلتي لاصرت عايش مع عفون
.............................. ماظنتي يالوقت بالعفن حيـــلــه

ان جيتهم قاموا بوجهي يهلووون
............................. وان رحتوا قالوا ياعسى الله تزيله

لاصار وقت الجد عني يقفوون
............................ وان جيتهم بالهرج قالن وقيلــــــه

لاشفت واحدهم تقل وجه مجنون
............................ وجهه علامه للردى والفشيـــــله

يالله تجعل جوهم عج ومزون
.............................. وتشيل منهو ماقوى الوقت شيله

يالله تبدل مالهم دمع وديون
.............................. ويالله تعيشهم بعيشه ذليـــــــــلــــه