لا تسأل الليل عــــــن همـي و غربالـي
ولا تسأل الروح عقبك وش جرى فيها


من رحـــــــت عني و حالي آه يا حالـي
من كـــثر همـاً وصلهــــــا بـس يكفيهـا


الوقت عيا عقـب فرقـاك يصفالـي
و أحس دنياي ضاقـت بـي لياليهـا


أسهر مع الليل و طيفك دايـم فبالـي
و أسامر نجـوم ليلـك ليـن تاليهـا


حس بعذابي و روف بحالي يالغالي
أنا دخيلك مـن الفرقـى و طاريهـا


أرحـــــــــم عيــونـاً تهـل الدمـع همالـي
و أشفق على اللي حياته صرت واليها


الناس حولي و كنـي قاعـد لحالـي
عندي تسولف و أنا والله ما أوحيهـا


الليل خيم في عيني و النجـم عالـي
و أنا عيونـي علـى شوفـك أمنيهـا