عقب الزعل جيتك مع جيت العيد
عيدك مبارك والعذر والسموحه
ياعيد عمري يالغلا شيخة الغيد
ياسكر العمر وحلاته وروحه
أعزف لك ابيات القصايد عسى تفيد
يامبتدا شعري وغاية طموحه
واقطع على شانك سنا ظلمت البيد
ومغليك تنزف بعد صدك جروحه
مشتاق لك يالراهيه تلعة الجيد
والشوق تنزف له دموعآ فضوحه
محتاجلك والعمر من دونك يعيد
قصة أبو ليلى وشعره وبوحه
*طال زعلك والعمر ينقص ولايزيد
يامهرة" بالوصل ماهي شحوحه
اللي حصل وانتي عن ايامي بعيد
سهام ذكرى عطرك أشم فوحه
أكن لك حبي عسى حبك يزيد
والشوق يبني للمحبه صروحه
أرجع لي وخل الزعل بأول العيد
عيدك مبارك والعذر والسموحه
Hitskin.com
من طرف 
