اعرفي عريسك بدري بدري.. من طريقة أكله ....؟؟؟؟
1-
إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه
وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي بمبى
2-
إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي.. مفجوووع جدا
وطايش.. وأوعي تتجوزيه أحسن ياكلك وانتي نايمة .... وده شكلة من بوركينا فاسو اللى بياكلو الناس ؟؟
3-
أما إذا كان مش مهتم بالمرة.. لايقولك ده حلو ولا ده عادب ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد .
4-
أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف
إنك
لست ملهمته..ولست فتاة أحلامه ولستِ حلمه.. ويروح مطلقك بالتلاتة..
إخلعي إنتي بدري أحسن لكرامتك.
5-
أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي يابنتى صدقينى..
6-
أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب ف أيدك""
7-
أما إذا كان دايمًا قرفاااان دايمًا مش عاجبه العجب ولا الصيام ف
رجب.. يعععع..
الملوخية تقيلة.. ياييييي.. السمنة كتيرة على وش الشوربة.. ياساتر.. دا
محشي ولا صوابع ايه القرف ده
مووووز.. أووووف.. الرز محصويل..يعععع المكرونة
معجنة. دى ماماى كانت بتعملى حبة اكل مش انتى معذبانى .
إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين
والأحسن من ده كله.....
مالها القعدة ف البيت وانك تتفرجى على كارتون توم وجيرى وبراحتك ولا حد يقدر يتكلم معاكى
..........................
Hitskin.com
من طرف 
موضوع: لكل البنات ... اعرفي عريسك من طريقة اكله :D 
