السلام عليكم اخواتي
البسبوسة حلوى تقليدية كلنا نحبوها تعتمد أساسا على الدقيق والسيرو والمكونات الاخرى يمكن نغير فيها وكل مرة نعملها بذوق جديد. اليوم جبتلكم بسبوسة بنكهة جديدة وراااائعة نخليكم مع الوصفة.
المقادير:
3بيضات،4ملاعق كبار سكر،180مل قشدة طرية،2 ملاعق كبار نواد كوكو،100غ زبدة ذائبة،2ملاعق كبار كاكاو،ملعقة كبيرة نيسكافيه،1خميرة حلوى،200غ دقيق متوسط.
السيرو:
علبة حليب نسلي،150مل ماء ،فاني
للتزيين:
شكولاطة حليب انا استعملت امبسادور
الطريقة:
بواسطة خلاط كهربائي نخلط البيض مع السكر جيدا ثم نضيف الكريم فريش اي القشدة الطرية ونخلط ونضيف الزبدة الذائبة طبعا نخليها تبرد شوية قبل مانضيفها ثم الكاكاو والنيسكافيه المذاب في القليل من الماء والنواد كوكو واخيرا الدقيق والخميرة نحرك المزيج جيدا ونحط في مول مدهون بالزبدة وندخله للفرن يكون مسخن مسبقا على درجة حرارة 180درجة من 25 الى 30د على حساب الفرن.من جهة نخلط مكونات السيرو ونحطهم على النار حتى يسخن المزيج ويتجانس ونطفي عليه.
بعدما تطيب البسبوسة نفرغ عليها السيرو ونخليها تبرد تماما ثم نزينها بالشكولاطة ونقطعها مربعات وتقدم في حاويات ورقية كما هو موضح في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

شكر ام اماني


رووووعة بارك الله فيك

على ا|لأقل دوقينا

ننتظر جديدك

مممممممممممممممممممممممممممممممم
بنتها تهبل مرسي هجورة [ندعوك للتسجيل في المنتدى أو التعريف بنفسك لمعاينة هذه الصورة]

ممممممممم لذيذ تسلمى حنونتي